وزن سے متعلق کچھ بھی کہا جائے،فرق نہیں پڑتا ،سوناکشی سنہا

ممبئی…بھارتی اداکارہ سوناکشی سنہا کا کہنا ہے کہ ان کے وزن سے متعلق کچھ بھی کہا جائے اس سے اُنہیں فرق نہیں پڑتا کیونکہ اس کے باوجود انہیں فلمیں آفر ہو رہی ہیں، اور اُن کی ایکٹنگ کو سراہا جا رہا ہے۔ بالی ووڈ اداکارہ سوناکشی سنہا کا بڑھتا وزن شدیدتنقید کا نشانہ بننے لگا ہے۔لیکن ان کا کہنا ہے کہ وہ اپنے بڑھے ہوئے وزن کے باوجود مطمئن ہیں کیونکہ سائز زیرو ریس میں اُنہیں پڑنے کی کوئی خواہش نہیں ہے۔ سوناکشی کے مطابق وہ ایک اچھی ایکٹریس ہیں اور وزن میں اتار چڑھاوٴ کے باوجود اُنہیں باقائدگی سے بالی ووڈ کے ٹاپ ہیروز کے مدمقابل فلمز آفر ہو رہی ہیں، تو ایسے میں میڈیا میں ان کے اوور ویٹ ہونے کے برے میں کچھ بھی کہا جائے انہہیں کوئی فکر نہیں۔اُن کا کہنا ہے کہ ایسے کہانیاں شائع کرنے والے ان سے ریکشن چاہتے ہیں لیکن اسکینڈلز سے بچنا کا بہترین طریقہ یہی ہے کہ خود سے متعلق خبروں کو زیادہ گھانس ہی نہ ڈالی جائے۔