پی پی کو لوٹے گئے اربوں روپے قوم کو واپس کرنا ہونگے، شہباز شریف

راولپنڈی … وزیر اعلیٰ پنجاب شہباز شریف نے کہا ہے کہ پیپلز پارٹی کی حکومت نے اربوں روپے لوٹے ہیں، جو ان کو قو م کو واپس کرنا ہوں گے۔ راولپنڈی مختلف ترقیاتی منصوبوں کی افتتاحی و سنگ بنیاد رکھنے کی تقریب سے خطاب کرتے ہوئے انہوں نے کہا کہ آئندہ انتخابات میں اگر ن لیگ کامیاب ہوئی تو عوام کی لوٹی ہوئی رقم کی ایک ایک پائی واپس لائیں گے۔ شہباز شریف کا کہنا تھا کہ میاں نواز شریف نے ان کو دھیان سے بات کرنے کی ہدایت کی ہے تو ان کی ہدایت پر عمل کرتے ہوئے کہتا ہوں کہ زرداری صاحب! آپ نے بہت لوٹ مار کی ہے، کہتا ہوں لوٹی ہوئی رقم واپس کردیں۔ اس سے قبل وزیراعلیٰ پنجاب نے راولپنڈی میں چوہڑ چوک توسیع منصوبے کا افتتاح کیا۔ شہباز شریف نے پیرو دہائی موڑ فلائی اوور کا سنگ بنیاد بھی رکھا جس پر 1447 ملین روپے لاگت آئے گی۔ وزیر اعلیٰ پنجاب تکمیل کا ہدف 18 مارچ 2013ء ہے۔ بعد ازاں جلسہ عام سے خطاب کرتے ہوئے انہوں نے منصوبے کو فروری میں مکمل کرنے کا وعدہ کیا۔