ڈبل پی ایچ ڈی بھارتی پروفیسرکے بھیک مانگنے کا انکشاف

 بھارتی گلابی شہر جے پور میں ایک انتہائی افسوسناک حقیقت یہ سامنے آئی ہے کہ سنسکرت زبان میں ڈبل پی ایچ ڈی کرنے والاریٹائرڈ پروفیسر ڈی وائیویڈی سڑکوں پر بھیک مانگ رہا ہے جبکہ یہ بھی حقیقت ہے کہ ڈی وائیویڈی جے پور میں ہی ایک چھوٹی سی حویلی میں اورایک پررونق بازار میں ایک دکان کا مالک بھی ہے 5سال قبل اس کے 25سالہ بیٹے نے جو اپنے باپ کے ساتھ ہی اس حویلی میں رہتا تھا، لوہے کے راڈ سے مارمار کر اپنے باپ کو گھر سے نکال دیا اور اس کا جعلی موت کا سر ٹیفکیٹ بنواکر اسے ملنے والی پنشن بھی بند کروادی، جس کے بعد وائیویڈی لاچار ہوکر سڑکوں پر بھیک مانگ رہا ہے اس کے ہمسایوں کا کہنا ہے کہ اس کے دو بیٹے اور ایک بیٹی ہے جبکہ اس کے چھوٹے بیٹے نے اپنے بڑے بھائی کو بھی گھر سے نکال دیا ہے