لاہور شدید دُھند کی لپیٹ میں، موٹروے بند،پروازیں متاثر

لاہور… پنجاب کے میدانی علاقوں میں دُھند چھائی ہوئی ہے۔ جس کے سبب لاہور ائیرپورٹ آج دوسری رات بھی پروازوں کے لیے بند کر دیا گیاہے ۔لاہور اور اس کے مضافاتی علاقے اس وقت شدید دُھند کی لپیٹ میں ہیں۔ جس کی وجہ سے لاہور ایئر پورٹ اور موٹر وے کو بھی پنڈی بھٹیاں تک بند کر دیا گیاہے۔ بیرون ملک سے آنے والی پروازوں کو دوسرے شہروں کی جانب موڑ اجارہاہے۔خراب موسم کے سبب اب تک اندرون اور بیرون ملک جانے اور آنے والی 22 پروازیں متاثرہوئی ہیں۔جس کے سبب مسافروں کو شدید پریشانی کاسامناہے۔حکام کا کہناہیکہ دُھند ختم ہونے ہی پر ایئرپورٹ کھولا جائے گا۔