دبنگ ٹو کے لیے کرینہ کپور کے آئٹم سونگ کی وڈیوجاری

ممبئی …بالی وو ڈ کے دبنگ ہیرو سلمان خان ایک بار پھر دبنگ اسٹائل میں سینما گھروں میں واپسی کے لیے تیار ہیں ۔2012کی بلاک بسٹر فلم دبنگ کے سیکوئل دبنگ ٹو کے لیے بالی ووڈ کی بیبو کرینہ کپور خان کے آئٹم سونگ "فیوی کول سے"کی وڈیو منظرِ عام پر آگئی ہے۔ممتا شرما اورواجد کی آوازمیں ریکارڈ کیے گئے اس گانے میں کرینہ کپورخان، سلمان خان اور گینگ کیساتھ ڈانس کرتی نظر آرہی ہیں جسکی کوریو گرافی بالی ووڈ کی نامور کوریوگرافر فرح خان نے کی ہے۔سلمان کے بھائی ارباز خان کی ہدایتکاری میں بننے والی اس فلم کو ارباز اور انکی اہلیہ ملائیکا اروڑا خان نے مشترکہ طور پر پروڈیوس کیا ہے۔پچھلی فلم کی طرح اس فلم میں سلمان چلبل پانڈے کے کردار میں بطور ہیرو جبکہ سوناکشی ایک بار پھر ہیروئن رجو پانڈے کے کردار میں موجود ہیں تاہم فلم کے ولن اس بار سونو سوڈ کے بجائے پرکاش راج ہیں۔70کروڑ روپے کے بجٹ سے تیار ہونے والی یہ فلم رواں سال21دسمبر کو سینما گھروں کی زینت بنائی جائیگی۔