کترینہ کیف اپنی آئندہ فلموں میں خطرناک اسٹنٹس خود کریں گی

ممبئی … بالی ووڈ اسٹار کترینہ کیف نے اپنی حالیہ ریلیز 'ایک تھا ٹائیگر' میں کچھ خطرناک اسٹنٹس خود کرنے کے بعد اپنی اگلی 2 فلموں میں تمام اسٹنٹس خود کرنے کی ٹھان لی ہے۔ کترینہ کیف کی آنے والی فلمز میں دھوم تھری اور ہالی ووڈ فلم نائٹ اینڈ ڈے کی ریمیک شامل ہیں۔ دونوں ہی ایکشن فلمز میں بالی ووڈ باربی اپنے سارے اسٹنٹس خود کرنے کا ارادہ رکھتی ہیں اور اس سلسلے میں آجکل ٹریننگ لے رہی ہیں۔ فلموں میں اکثر اسٹنٹس ایکٹرز کی جگہ بوڈی ڈبلز پرفارم کرتے ہیں لیکن کیٹ نے ٹھان لی ہے کہ وہ اسٹنٹس خود ہی کریں گی۔ اس سلسلے میں ہالی ووڈ اسٹنٹ کوآرڈی نیٹرز کی خدمات بھی حاصل کی گئی ہیں جو کہ جلد ہی بھارت پہنچ کر کترینہ کی اسٹنٹ ٹریننگ میں حصے لیں گے اور شوٹس کے دوران بھی ان پر نظر رکھیں گے۔