کولاویری گانے کی مقبولیت، سال مکمل ہونے پر نئی وڈیو کا اجراء

ممبئی…این جی ٹی…دیکھتے ہی دیکھتے دنیا بھر میں مقبولیت کے ریکارڈ قائم کرنے والے گانےWhyThis Kolaveri Diکو ایک سال مکمل ہونے پر اسکی نئی وڈیو جاری کردی گئی ہے۔Kolaveri Diنامی یہ گانا تامل فلم3(تھری)کے لیے تامل و انگلش (Tanglish)زبان میں ریکارڈ کیا گیا تھا ۔رواں ماہ اس گانے کی ریلیز کو ایک سال مکمل ہونے پر نئی وڈیو کا اجراء کیا گیا ہے جس میں ناصرف گانے کے بولوں کوباقاعدہ منظر کشی کے ذریعے واضح کیا گیا ہے بلکہ گانے کو ہپ ہاپ /تیز بیٹس کیساتھ بھی ریکارڈ کیا گیا ہے۔ واضح رہے کہ نومبر 2011میں منظرِ عام پر آنے والے اس گانے کو اب تک6کروڑ 50لاکھ سے زائد افراد سن چکے ہیں۔