لاہور اورگردو نواح میں36گھنٹے سوئی گیس کی فراہمی معطل رہے گی

لاہور اورگردو نواح کے بیشتر علاقوں میں 26نومبر صبح نوبجے سے منگل کی شب 9بجے تک گیس سپلائی بند رہے گی۔ سوئی ناردرن کے ترجمان کا کہنا ہے کہ صارفین کو گیس فراہمی بڑھانے کیلئے 24 انچ قطر کی مین لائن پر جوڑ لگایا جارہا ہے جسکے باعث گیس سپلائی معطل کرنا پڑرہی ہے۔ ترجمان سوئی ناردرن کے مطابق 24 انچ قطر کی لائن کو سسٹم سے جوڑا جارہا ہے اس لئے لاہور کے بیشترعلاقوں میں گیس فراہمی 26 نومبر کی صبح 9 بجے سے اگلے 36 گھنٹے تک معطل رہے گی۔ لاہور کینٹ ،ٹاؤن شپ ،فیروز پور روڈ ،ماڈل ٹاؤن ،گلبرگ ایریا ،ہربنس پورہ ،بیدیا ں روڈ ،چونگی امرسدھو، سبزہ زار ،ملتان روڈ اور دیگر کئی علاقوں میں گیس بند رہے گی۔ لا ہور کے علاوہ ضلع قصور ،دیپالپور ،مصطفی آباد ،سوئے آصل ، راجہ جنگ ،جمن گاؤں ،بدو ملی ،پانڈو کے اورلدھے کے میں بھی گیس بند رہے گی۔