راولپنڈی، اسلام آباد کے کئی علاقوں میں گیس پریشر انتہائی کم، شہری پریشان

اسلام آباد … سردی کی شدت میں اضافے کے بعد راولپنڈی، اسلام آباد کے کئی علاقوں میں گیس کا پریشر انتہائی کم ہوگیا، لوگوں کو گھنٹوں گیس نہ ملنے کی شکایات بھی ہیں اور گھریلو صارفین کو شدید مشکلات کا سامنا ہے۔ راولپنڈی، اسلام آباد میں گیس لوڈ مینجمنٹ کے باعث 2دن سے تمام سی این جی اسٹیشن بند ہیں لیکن پھر بھی گھریلو صارفین گیس کو ترس رہے ہیں۔ صارفین نے جیو نیوز کو بتایا ہے کہ اسلام آباد کے علاقوں آئی 10، ترامڑی چوک اور غوری ٹاوٴن میں دن بھر گیس نہیں ہوتی۔ راولپنڈی کے علاقوں صادق آباد، مسلم ٹاوٴن، شکریال اور طہماسب آباد میں 12 گھنٹے سے گیس نہیں۔ خیابان سرسید، کٹاریاں مارکیٹ، سیٹلائٹ ٹاوٴن ایف بلاک میں بھی لوگوں نے 12 گھنٹے سے گیس نہ ہونے کی شکایت کی ہے