شیخوپورہ: نارنگ منڈی میں 8 افراد کی 5 لڑکیوں سے اجتماعی زیادتی

شیخوپورہ … شیخو پورہ کے علاقے نارنگ منڈی میں کھیتوں میں کام کرنے والی 5 لڑکیوں سے 8 افراد نے اجتماعی زیادتی کردی، پولیس نے مقدمہ درج کرکے 2 ملزموں کو گرفتار کرلیا جبکہ 6 ملزم ابھی تک مفرور ہیں۔ پولیس کے مطابق بوٹا چنگڑ کی فیملی 15 دن سے موضع کرنو میں نجیب میر کے ڈیرے پر مونجی کی کٹائی میں مصروف تھیں، جمعرات اور جمعے کی درمیانی شب ملزمان ظہیر اور تصدق عرف ماڑا جٹ وغیرہ 8 افراد نے خاندان کی خواتین، مردوں اور بچوں کو رسیوں سے جکڑکر ایک کمرے میں بند کردیا اور ان کی 5 لڑکیوں کو دوسرے ڈیرے پر لے جاکر مبینہ طور پر اجتماعی زیادتی کا نشانہ بنایا، پولیس نے اطلاع ملنے پر لڑکیوں کو طبی معائنے کیلئے اسپتال منتقل کر دیا اور 4 نامزد اور 4 نامعلوم افراد کیخلاف مقدمہ درج کرکے ظہیر اور تصدق عرف ماڑا جٹ کو گرفتار کرلیا ۔ پولیس کا کہنا ہے کہ باقی ملزموں کو بھی جلد گرفتار کرلیا جائے گا ۔