ملتان میں منگنی توڑنے پر خاتون نے سابق منگیتر پر تیزاب پھینک دیا

ملتان … ملتان میں منگنی توڑنے کی پاداش پر خاتون نے مبینہ طور پر اپنے سابق منگیتر کے منہ پر تیزاب پھینک دیا، جس سے اس کی آنکھ متاثر ہو گئی ہے۔ ملتان کے شاہ رکن عالم کے رہائشی محمد زبیر کے مطابق 2سال قبل اس نے بینش نامی لڑکی سے منگنی کی اور وہاں سے توڑ کر اپنے ماموں کی بیٹی سے منگنی کرلی، جس کی پاداش پر لڑکی کے بھائی ولید نے اسے اسلحے کے زور پر روکا اور بینش نے مبینہ طور پر اس کے منہ پر تیزاب انڈیل دیا جس سے اس کی دائیں آنکھ بری طرح متاثر ہوئی ہے۔ پولیس نے متاثرہ لڑکے کے بیان قلم بند کرکے کارروائی شروع کردی ہے