فلم ’تلاش‘ کی کامیابی پر کاسٹ کی ممبئی میں پارٹی

ممبئی…عامر خان کی تلاش کامیاب ہوئی اورباکس آفس پر فلم نے خوب کمال دکھایا۔ اسی کامیابی کو بھرپورانداز میں منانے کے لیے ممبئی میں پارٹی کا اہتمام کیا۔جس میں فلم کے تمام فنکاروں نے شرکت کی۔فلم تلاش کی ریلیز سے پہلے ہی ہاوٴس فل کے بورڈ لگ گئے تھے اورفلم نے ریلیز کے بعد بھی لوگوں کو مایوس نہیں کیا۔پولیس والے کے کردار میں عامر خان کا انداز سب کو خوب بھایا،جبکہ کرینہ کپور اور رانی کی اداکاری نے بھی خوب کمال دکھایا۔تین کا تڑکا ایسا لگا کہ تلاش کی ہر طرف دھوم مچ گئی۔اِسی جیت کا جشن منانے کے لیے ممبئی میں پارٹی کا اہتمام کیا گیا۔ جس میں فلم کی کاسٹ سمیت کئی مشہور شخصیات نے شرکت کی۔عامرخان نے فلم کی کامیابی پر لوگوں کا شکریہ ادا کیا۔کرینہ کپور بھی فلم کی کامیابی پر کافی خوش دکھائی دیں۔