ول اسمتھ اور جیڈن اسمتھ کی سائنس فکشن فلم آفٹر ارتھ کا پہلاٹریلر جاری

لاس اینجلس …ہالی ووڈ سپر اسٹار وِل اسمتھ اور انکے بیٹے جیڈن اسمتھ کی نئی سائنس فکشن فلم آفٹر ارتھ"After Earth"کا پہلا ٹریلر جاری کر دیا گیا ہے۔ کولمبیا پکچرز کے تحت فلمائی گئی اس ایڈونچر فلم کی کہانی باپ بیٹے اور انکی پوری فیملی کے گرد گھومتی ہے جنکا جہاز سیارچوں کے طوفان کی زد میں آکر ایک نامعلوم خطرناک سیارے پر جاپہنچتا ہے۔حقیقی زندگی کے بعد فلمی پردے پر بھی باپ بیٹے کا کردار نبھاتی ول اور جیڈن اسمتھ کی جوڑی فلم میں ایک ہزار قبل انسانوں کے انخلاء کے بعد ویران پڑے اس خطرناک سیارے کو کھوجتی نظر آئیگی۔ہدایتکار نائٹ شیامالان کی اس فلم میں وِل اور جیڈ اسمتھ کیساتھ ازابیل فہرمین نے اہم کردار ادا کیا ہے جسے جیمز لاسیٹر اور وِل اسمتھ نے مشترکہ طور پر پروڈیوس کیا ہے۔ ایڈونچر اور تھرل سے بھرپور یہ فلم اگلے سال 5جون کو فرانس جبکہ7جون کو امریکا کے سنیما گھروں کی زینت بنے گی۔