اسلام آباد :پولیس اہلکاروں کی دوران ڈیوٹی بنائی گئی تصاویر کی منفرد نمائش

اسلام آباد…پاکستان نیشنل کونسل آف دی آرٹس اسلام آباد میں پولیس اہلکاروں کی دوران ڈیوٹی بنائی گئی تصاویر کی منفرد نمائش منعقد کی گئی۔ راول پنڈی اسلام آباد کے فوٹو جرنلسٹس کی تصاویر میں کہیں تو پولیس اہلکا ر روایتی انداز میں تشدد کرتے دکھائی دیتے ہیں تو کہیں خود بے بسی کی تصویر بنے ہوئے ہیں۔ تصاویر میں خواتین پولیس اہلکار بھی اپنے فرائض ادا کرتے نظر آتی ہیں لیکن ذرا مختلف انداز میں۔نمائش میں رکھی گئی تصاویرفوٹو جرنلسٹس کی مشکل پیشہ وارانہ ذمہ داریوں کی بھی عکاس ہیں۔ تصویری نمائش کو زندگی کے مختلف شعبوں سے تعلق رکھنے والے افراد نے نہ صرف شوق سے دیکھا بلکہ کیمرے کی آنکھ میں محفوظ بھی کیا۔اس تصویری نمائش میں جہاں پولیس اہلکاروں کے مظالم بیان کئے گئے ہیں تو دوسری طرف بعض تصویریں انتہائی مشکل حالات میں پولیس کی فرض شناسی اور لگن کی نشاندہی کرتی ہیں۔