کراچی:5مرد اور4خواتین پر مشتمل ڈکیت گروہ پکڑا گیا

کراچی … کراچی کے علاقے گلشن اقبال پولیس نے ڈکیتی کی وارداتوں میں ملوث 9 رکنی گروہ کو گرفتار کرلیا، گروہ میں 5مرد اور4 عورتیں شامل ہیں۔ ایس ایس پی گلشن اقبال عاصم قائم خانی کا کہنا ہے کہ گروہ کی گلشن اقبال اور مبینہ ٹاوٴن کے علاقوں میں ڈکیتیوں کی متعدد وارداتوں میں ملوث ہے۔انہوں نے بتایا کہ گروہ میں شامل عورتیں گھروں میں کام کاج کیلئے جاتیں اور موقع ملتے ہی قیمتی زیورات، موبائل فون اور دیگر قیمتی سامان لوٹ لیتیں، اب تک 3 گھرانوں نے اس گروہ کو شناخت کرلیا ہے۔ ملزمان کے قبضے سے 2 ٹی ٹی پستول ، قیمتی زیورات اور دیگر چوری کی گئی اشیاء بھی برآمد ہوئی ہیں۔گروہ کی گرفتاری پہلوان گوٹھ سے ہوئی ہے اور پولیس نے دفعہ 395 کے تحت مقدمہ درج کر لیا ہے