ہم جنس پرست آسٹریلوی رکن پارلیمنٹ نے بوائے فرینڈسے شادی کرلی

باررسلونا(شفقت علی رضا)جنوبی آسٹریلین ممبر پارلیمنٹ ایان ہنٹر نے اپنے بوائے فرینڈ کے ساتھ سپین کے شہر غرناطہ کے ایک نواحی علاقے میں باضابطہ شادی کر لی،یہ جوڑا ان غیر ملکی جوڑوں میں شامل ہے جس نے سپین میں رائج ہم جنس پر ستوں کی شادی کے قانون سے استفادہ کیا ہے۔ممبر پارلیمنٹ ایان ہنٹر نے کہا کہ میں بے حد خوش ہوں کہ میں نے اس وقت اپنے بوائے فرینڈ سے شادی کی جب میں ممبر پارلیمنٹ ہوں اور یہ آسٹریلوی تاریخ کا اہم باب ہے۔انہوں نے کہا کہ ہماری اس شادی کے کو ئی مقاصد نہیں ہم صرف لوگوں کو بتانا چاہتے کہ سب سے محبت کریں ۔ممبر پارلیمنٹ کی عمر52سال اور ان کے بوائے فرینڈ سیمینز کی عمر 42ہے۔واضح رہے کہ سپین میں 2005سے ہم جنس پرستوں کو شادی کی باضابطہ اجازت ہے۔