دبنگ ٹو کا نیاڈائیلاگ پرومو ریلیز کردیا گیا

ممبئی …این جی ٹی …بالی وو ڈ کے دبنگ ہیرو سلمان خان ایک بار پھر دبنگ اسٹائل میں سینما گھروں میں واپسی کے لیے تیار ہیں ۔2012کی بلاک بسٹر فلم دبنگ کے سیکوئل دبنگ ٹو میں چلبل پانڈے(سلمان خان)کے فلم کے وِلن کیساتھ نیاڈائیلاگ پروموجاری کردیا گیا ہے۔اس ڈائیلاگ پرومو میں جہاں کئی دشمن پانڈے جی کو پیٹتے نظر آرہے ہیں وہیں ایک اُن سے پوچھ رہا ہے’کیوں پانڈے جی لگی تو نہیں‘جبکہ سلمان خان کا کہتے ہیں کہ’وقت تمہارا خراب آیا ہے اور وقت ہم گنیں‘۔سلمان کے بھائی ارباز خان کی ہدایتکاری میں بننے والی اس فلم کو ارباز اور انکی اہلیہ ملائیکا اروڑا خان نے مشترکہ طور پر پروڈیوس کیا ہے۔پچھلی فلم کی طرح اس فلم میں سلمان چلبل پانڈے کے کردار میں بطور ہیرو جبکہ سوناکشی ایک بار پھر ہیروئن رجو پانڈے کے کردار میں موجود ہیں تاہم فلم کے ولن اس بار سونو سوڈ کے بجائے پرکاش راج ہیں۔70کروڑ روپے کے بجٹ سے تیار ہونے والی یہ فلم ریلیز سے قبل ہی180کروڑ کما چکی ہے جو رواں سال21دسمبر کو سینما گھروں کی زینت بنے گی۔