شاہ رخ اور دپیکا کی نئی فلم چنائے ایکسپریس کی پہلی جھلک منظر پر آگئی

ممبئی …بالی ووڈ کو سپرہٹ رومانوی فلم" جب تک ہے جان" دینے کے بعدکنگ خا ن ہدایت کار روہٹ شیٹھی کی فلم" چنائے ایکسپریس" کی شوٹنگ میں مصروف ہو گئے ہیں۔اس سلسلے میں شاہ رخ خان اور دپیکا پڈوکون کی پہلی جھلک بھی منظر پر آگئی ہے جس میں کنگ خان ایک مر تبہ پھر اپنی بلاک بسٹر فلم دل والے دلہنیاں لے جائیں گے کا مقبول ترین سین دوبارہ کرتے نظر آ رہے ہیں۔جیسا کہ اس فلم کے ٹائٹل سے ہی صاف واضح ہے کہ اس فلم میں ریل کا اہم عمل دخل ہے تاہم اس فلم میں شاہ رخ "DDLJ" کی یاد کو تازہ کر تے ہو ئے کاجل کے بجائے اپنی فلم اوم شانتی اوم کی ہیروئن دپیکا کا ہاتھ پکڑکر انھیں چلتی ٹرین میں لا رہے ہیں۔اب دیکھنایہ ہے کہ کئی سال گزر جانے کے بعد بھی کیا شاہ رخ دپیکا کے ساتھ اس سین کو اسی طرح نبھاتے ہیں کہ اسے بھی کافی عرصے تک یاد رکھا جاسکے۔