دبنگ ہیروسلمان خان کے بیگ سے لیڈیز ملبوسات برآمد

حیدرآباد…این جی ٹی…بالی ووڈکے دبنگ اسٹارسلمان خان کے بیگ میں سے لیڈیز ملبوسات برآمد ہوئے جسے دیکھ کر وہ ہکا بکا ہی رہ گئے۔یہ دلچسپ واقعہ بھارتی شہر حیدرآباد کے ائیر پورٹ پر اس وقت پیش آیا جب سلمان کا بیگ دورانِ سفر ایک خاتون کے بیگ سے تبدیل ہو گیا۔بیگ میں خاتون کے کپڑے دیکھ کردبنگ سلمان خان پریشان ہو گئے تاہم بعدازاں سیکیورٹی ٹیم کے ذریعے انہیں پتا چلا کہ انکا بیگ کسی خاتون کے بیگ سے تبدیل ہو گیا ہے ۔واقعہ پیش آنے کے کچھ ہی دیر بعد ایک خاتون ائیر پورٹ پہنچیں اور معذرت کرتے ہوئے سلمان کا بیگ انہیں واپس لوٹا دیا۔واضح رہے کہ سلمان خان ہائی ٹیکس گراؤنڈ پر اپنی پرفارمنس دینے ممبئی سے حیدرآباد پہنچے تھے جہاں سے واپسی پرایک تقریب کے دوران سلمان یہ دلچسپ واقعہ بیان کرتے ہوئے قہقہے لگاتے رہے