12/12/12: منفر د تاریخ، دنیا بھر کے ہزاروں جوڑے شا دی کے لیے تیار

کراچی…این جی ٹی… دو روز بعد کلینڈر کی تاریخ12/12/12ہوگی اور ایک ہی ہندسہ پر مشتمل یہ تاریخ دنیا بھر میں بیحد اہمیت کی حامل تصور کی جارہی ہے۔12دسمبر بروز بدھ دوپہر 12 بج کر12 منٹ اور 12سیکنڈ پر چھ ہندسے یکساں ہوجائیں گے اور کچھ یوں نظر آئینگے۔ 12:12:12 اس منفرد تاریخ کو اپنی زندگی کا یادگار دن بنانے کے لیے دنیا بھر کے ہزاروں جوڑے اس دن شادی کے بندھن میں منسلک ہونے کی تیاری کررہے ہیں۔اس منفرد دن پر شا د ی کے لیے دنیا بھر میں شا دی آ فسوں میں رجسٹریشن کے لیے نو جو ان جو ڑوں کا رش بڑ ھ گیا ہے۔جہاں آسٹریلیا میں سیکڑوں جوڑوں نے 12دسمبر بروز بدھ شا دی کے لیے رجسٹریشن کر والی ہے وہیں ہانگ کانگ میں بھی کم و بیش700جوڑوں نے رجسٹرار آفس میں درخواستیں جمع کروادی ہیں جبکہ اسی طرح امریکا،بھارت اور دنیا کے مختلف ممالک میں اس تاریخ پر شادی کرنے کے لیے غیر معمولی جوش و خروش دیکھنے کو مل رہا ہے۔واضح رہے کہ صر ف ایک کے ہندسے پر مشتمل ایسی کوئی بھی تاریخ سو سال بعد ہی دوبارہ آ ئے گی۔