حامد میر نے 7 اپریل کو حملے کے خدشے سے آگاہ کیا تھا، صحافیوں کی عالمی تنظیم

پیرس …صحافیوں کی عالمی تنظیم ”رپورٹرز ود آوٴٹ بارڈرز“ نے حامد میرپر حملے کی مذمت کرتے ہوئے مطالبہ کیا کہ عدالتی انکوائری رپورٹ آنے پر ملزمان کیخلاف سخت کارروائی کی جائے۔ رپورٹرز ود آوٴٹ بارڈرز کے ایشیا پیسفک کے سربراہ بینجمن اسماعیل نے کہا ہے کہ حامد میر پر حملے سے انہیں شدید دکھ پہنچا ہے۔ انہوں نے کہا کہ حامد میر نے 7 اپریل کوہی حملے کے خدشے سے آگاہ کردیا تھا، وہ آزادی صحافت کے دشمنوں کے ٹارگٹ پر ہیں۔