ca-app-pub-4820796287277991/7704934546 Batkhela news.100news Daily Updates News Funny Video Movie Songs: Hezbollah Tries To Kill Netanyahu: Drone Hits Israeli PM Home After Sinwar Killed|

Saturday 19 October 2024

Hezbollah Tries To Kill Netanyahu: Drone Hits Israeli PM Home After Sinwar Killed|


Hezbollah Tries to Kill Netanyahu: Drone Hits Israeli PM Home After Sinwar Killed|

اسرائیلی وزیر اعظم کے ترجمان کا کہنا ہے کہ وزیر اعظم نیتن یاہو کے گھر پر لبنان سے ڈرون حملہ کیا گیا ہے۔

ترجمان کے مطابق نیتن یاہو اور ان کی اہلیہ گھر پر موجود نہیں تھے اور کسی کے زخمی ہونے کی اطلاعات نہیں ہیں۔

نتن یاہو کی نجی رہائش گاہ شمالی اسرائیل کے علاقے قیصریہ میں واقع ہے۔


اس سے قبل اسرائیلی فوج نے کہا تھا کہ سنیچر کی صبح ساحلی شہر کی جانب تین ڈرون لانچ کیے گئے تھے جن میں سے ایک نے عمارت کو نشانہ بنایا جب کہ دو کو روک کر تباہ کر دیا گیا۔ اس وقت یہ نہیں بتایا گیا تھا کہ ڈرون کس عمارت کو آ کر لگا ہے۔

اسرائیل کی ایمبولینس سروس اور پولیس کے مطابق قیصریہ کے علاقے میں دھماکوں کی آوازیں سنی گئی ہیں تاہم کسی جانی نقصان کی اطلاعات نہیں ہیں۔

یحییٰ سنوار کی موت حماس کے لیے بڑا دھچکا لیکن ’جنگ ابھی ختم نہیں ہوئی‘

دریائے نیل سے نہرِ فرات تک پھیلے ’گریٹر اسرائیل‘ کا تصور صرف ’شدت پسندوں کا خواب‘ ہے یا کوئی ٹھوس منصوبہ

بی بی سی عربی سروس نے اسرائیل کے مقامی میڈیا کے حوالے سے بتایا ہے کہ تل ابیب کے شمال میں واقع شہر قیصریہ کے آسمان پر جنگی طیارے اور ہیلی کاپٹر نظر آ رہے ہیں جس سے ظاہر ہوتا ہے کہ اسرائیلی پولیس کے بڑے دستے حملے کے مقام کی طرف بڑھ رہے ہیں۔

اسرائیلی فوج کا کہنا ہے کہ لبنان سے شمالی اسرائیل پر گذشتہ ایک گھنٹے میں تقریباً 55 میزائل داغے گئے جس کے بعد بالائی، مغربی اور وسطی گلیلی کے علاقوں کے کئی شہروں اور قصبوں میں سائرن بجنے لگے۔

فوج نے مزید کہا کہ کچھ میزائلوں کو فضا میں روک کر تباہ کر دیا گیا جبکہ دیگر ایسے مقامات پر گرے جہاں آبادی نہیں تھی تاہم ان حملوں میں حیفا کے قریب دو افراد معمولی زخمی ہوئے ہیں۔




No comments:

Power Rangers video

Adi Shankar Presents a Mighty Morphin' Power Rangers Bootleg Film By Joseph Kahn.

To Learn More About Why This Bootleg Exists Click Here: http://tinyurl.com/mw9qd79